European Federation of
Local Government Chief Executives

Updates

• About UDiTE
• UDiTE Strategic Risk Management
• EUROPEAN UNION GRANT INFORMATION
• SNDGCT Questionnaire
• UDiTE X Biennial Congress
• Death of Arthur Vieira Dias Past President of UDiTE

Merħba f’UDiTE, il-Federazzjoni Ewropea tal-Kapijiet Eżekuttivi tal-Gvern Lokali. 

Bħala organizzazzjoni ta’ netwerking professjonali b’madwar 15,000 membru u billi taħdem bħala l-organizzazzjoni umbrella madwar 15-il pajjiż tal-UE, UDiTE tingħaqad mal-Assoċjazzjonijiet Nazzjonali tal-Gvern Lokali tal-membri tagħha biex tippromwovi relazzjonijiet kostruttivi bejn il-Kapijiet Eżekuttivi u l-maniġers anzjani.
Filwaqt li l-lingwi uffiċjali ta’ UDiTE huma l-Ingliż u l-Franċiż, aħna ħerqana biex nikkomunikaw mal-membri kollha tagħna madwar l-Ewropa billi negħlbu l-barrieri tal-lingwa u b’hekk kif ikollna r-riżorsi disponibbli, l-għan tagħna jkun li jkollna l-websajt tagħna tradotta għal-lingwi kollha tal-membri tagħna.
Fost l-għanijiet ewlenin ta’ UDiTE hemm li hija tiżviluppa skambji ta’ informazzjoni u kompetenzi, ittejjeb l-irwol u l-funzjonijiet tal-awtoritajiet lokali, u tikkontribwixxi għall-Unjoni Ewropea.
Aħna qegħdin nittamaw li din il-paġna tiddeskrivi fil-qosor l-irwol ta’ UDiTE u l-modi kif qegħdin naħdmu biex nagħtu l-benefiċċji lil kull membru individwali. Il-websajt ta’ UDiTE tipprovdilek it-triq għall-aħbarijiet Ewropej u l-politika li taffettwa lill-gvern lokali, informazzjoni dwar l-Għotjiet Ewropej, dettalji tal-laqgħat, workshops bla ħlas u attivitajiet ta’ UDiTE, inkluż l-avveniment tal-għoti tal-Premjijiet ta’ UDiTE għall-Qsim tal-Għarfien. Hija tipprovdi wkoll aċċess għall-Bank tal-Għarfien ġdid tagħna, li bħalissa qiegħed isir ix-xogħol fuqu biex joffrilek Informazzjoni dwar Ħiliet Kritiċi u Mudelli ta’ Prattika Tajba minn madwar l-UE. 

UDiTE tipproduċi newsletter kull tliet xhur li tiġi tradotta għal-lingwi kollha tal-membri tagħna u aħna ħerqana biex nassiguraw li l-membri tagħna jkollhom l-opportunità li jikkontribwixxu għall-kontenut tagħha biex jesebixxu l-proġetti innovattivi li jkunu involuti fihom. In-netwerking u l-Qsim Attiv tal-Għarfien huma l-qalba tal-attivitajiet ta’ UDiTE hekk kif aħna lkoll qegħdin nagħmlu ħilitna biex niżviluppaw modi aħjar biex nipprovdu servizzi mtejba lill-komunitajiet tagħna, f’nofs il-pressjonijiet ekonomiċi li qegħdin niffaċċjaw bħalissa lkoll kemm aħna.

UDiTE hija involuta wkoll fl-appoġġjar ta’ Stħarriġ Komparattiv kritiku mwettaq mill-Assoċjazzjoni Nazzjonali Franċiża sabiex jiġu identifikati kemm l-irwol kif ukoll ir-responsabbiltajiet ewlenin tal-Kapijiet Eżekuttivi u kif dan l-irwol ivarja madwar l-Unjoni Ewropea.

Ambizzjoni oħra ta’ UDiTE hija li din tiżviluppa programm li jappoġġja t-triq tal-karriera biex issir Kap Eżekuttiv. Bħalissa ninsabu fil-proċess li niżviluppaw sistema ta’ akkreditazzjoni pan-Ewropea għall-maniġers tal-gvern lokali, li tinkludi l-ħiliet meħtieġa, irrispettivament mill-pajjiż fejn taħdem. UDiTE tista’ wkoll tagħti pariri dwar it-Taħriġ għall-Iżvilupp ta’ Ħiliet fit-Tmexxija u aħna ser inkunu qegħdin nistabbilixxu programm ta’ skambji u internships għall-maniġers tal-gvern lokali bejn l-awtoritajiet lokali, li jistgħu jipprovdu esperjenzi siewja ħafna għall-iżvilupp professjonali.

UDiTE qiegħda hemm biex tappoġġja l-Assoċjazzjoni Nazzjonali tiegħek u l-membri tagħha. Aħna nittamaw li billi negħlbu l-barrieri tal-lingwa u l-mili tal-ajru li jifirduna bl-użu ta’ teknoloġiji ġodda għall-komunikazzjoni u permezz tal-websajt tagħna, inkunu nistgħu nassistu lill-professjonisti tal-gvern lokali biex jaħdmu f’perspettiva Ewropea u Internazzjonali aktar b’saħħitha. Billi naħdmu flimkien, aħna nistgħu niżviluppaw skambji ta’ informazzjoni siewja u noħolqu opportunitajiet ta’ netwerking aktar b’saħħtu għall-membri kollha tagħna madwar l-Unjoni Ewropea.

Byron Davies
President ta’ UDiTE

Kap Ezekuttiv tal-Kunsill ta’ Cardiff, il-Belt Kapitali ta’ Wales

Tmiem

Jekk jogħġbok, tiddejjaqx tikkuntattjana jekk ikollok xi mistoqsijiet jew xi kummenti, għaliex aħna nieħdu gost ħafna nisimgħu mingħandek: Louise@udite.eu